Mujhe aksar yeh kehti thi

Mujhe aksar yeh kehti thi
Ke itni bar kehte ho,
�Mujhe Tum se Mohabbat hai�
ke ab dil per yeh sunanay se
Asar koi nahi hota
Magar jab aaj danista,
Nahi bola use mein ne
�Mujhe tum se mohabbat hai�
To uski ankh bhar ayee

 

 

 

Barishoon ke mousam mein

Barishoon ke mousam mein
Waqt ke andheeroon mein
mein ne us se poocha tha
Chorke to na jaoo gay?
Hath thaam ker us ne
kaan mein bola tha
kaisay chor sakta hoon?
aur aaj aisa hai !!!
Waqt ki tamazat mein
wahshiton ke mousam mein
mein ne us se poocha hai
chor ker jana tha?
muskurati ghalioon mein
Aas kion dilaye thi?
payas kion jagaye thi?
mere in sawaloon per
chalte chalte wo bola
mousmon ke khail mein sab jo badlte rehte hain

Bekhawabi ke aadhi hum bhi

Bekhawabi ke aadhi hum bhi
Jab se hoye hain
Khawab suhaanay bikher gay hain
Guriyaan aur patolay jab se
Choote tab se�
Meet puranay bichar gay hain
Such poocho to�.
Dil to apna ab bhi chaye
Maazi apna palat aye
Ankh macholi khelien phir se
Lekin janaa�.
Ab yeh sab kuch kab mumkin hai
Umar ke pul ke neechay se to
Khasa pani ghuzar chuka hai
Chardta darya utar chuka hai

Sada Ker chalay

Faqeerana Aye Sada Ker chalay
Miaan khush raho hum dua ker chale

Jo tujh bin na jeenay ko kehte the hum
So is ahad ko ab wafa ker chale

Shafa apni taqdeer hi mein na thi
Ke maqdoor tak to dawa kar chale

Wo kia cheez hai aah jis ke liye
Har ik cheez se dil utha ker chale

Koi naumeedana le ker nigha
So tum hum se moun bhi chupa ker chale

Buhat arzoo thi ghali ki teri
So yahan se lahoo mein naha ker chale

gumaan hota hai iss baar DECEMBER maar dalay ga

Teri yadoon ki rawani aur ye December
Meri batain teri kahani aur ye December
Mera haath tera saath lambi sarak aur ye December
Gum sum shamen sunehri ratain aur ye December
Bhegey din madham suraj halkey badal aur ye December
Behti nadiya gatey panchi urti dhund aur ye December
Coffee bistar teri muhabat aur ye December
Tanha main tanha chand mera kamra aur ye December
Meri ankhen meri neend terey khawab aur ye December �

ye shab ..
sard hawa �
aur hijar ka alam �.
gumaan hota hai iss baar DECEMBER maar dalay ga �..

December ki sard raton main

December ki sard raton main
sub apney apney bister per
jab meethi neend so rahey hotay hain
lekin main jag raha hota hoon
bas yoonhi chat ko taktay rehta hoon
soch ki waadi main utartay hi khiyal us ka ata hai 

phir yaad bhi woh ate hain
yadoon ke sath hi yeh baat dil main ati hai
kiya wo bhi jagti hogi
kiya mujhay sochti hogi
kiya uski meethi neend bhi
us se rothti hogi
kiya mujh ko dhondti hogi
December Ki sard ratoon main...

Jitni Shidat Se Mujhy Wo Yaad ata hai

Jitni Shidat Se Mujhy Wo Yaad ata hai 

Itna Tasalsul To meri Sanson main Nahi...